من بيتي لبيتا = ألف وردي ووردي
والحسّادْ ورا حيطا = واصلينْ لحدِّي
والعصفورْ بخيطا = والصنّارة ما بتودِّي
يا ريتا حدي يا ريتا = اهديها خمرة خدِّي
كلما دمي اعطيتا = بتقللي بعدْ بدِّي
قصيدي أنا ربيتا = خلتني إسهرْ وحدي
خِلِصْ بفانوسا زيتا = نامت ع عَتِمْ المخدِّي
والحروف إلِّي عبيتا = هربتْ من سلّةْ يدّي
ومكاتيبي إلِّي وديتا = راحتْ ... رجعتْ لعندي
كلما أنا وعيتا = ما ع بيوصلني ردِّي
لوراقْ تخبِتْ بفيتا = خايفة من ألفْ جندي
وسيوف إلِّي سنيتا = خانت وصارت ضدي !
المفضلات