الى المجلس العسكرى
هى قصة ولا رواية
ما تقولولنا اية الحكاية
هى ثورة ...
ولا عورة ...
ان كانت عورة
نداريها
وان كانت ثورة
نتباها بيها
مش نخبيها
صح يا عسكرى
ولا انت فى الكلام فنجرى
فعلك هولامى
مش شايفله شكل
واللى حاصل امامى
ما يدخلش عقل
البلطجى سايبه يدبح فى المخاليق
والثورجى محصره بالتلفيق
وان قولنا مطالب ثورية
تقولوا مظاهرات فئوية
وان سكتوا.. هتتحسن شوية
بس هى هى
شوية فول
على حبة طعمية
وان زهزهت شوية
يبقى علبة تونه ويا زتونه
وان حلمنا اكتر من كدة
يبقى احنا ولاد مجنونة
صح يا عسكرى
ولا انت فى الكلام فنجرى
رد مع اقتباس
المفضلات