كوباية الشاى الصعيدى

[هشام النعال]

كوباية الشاى الصعيدى

اللى بشربها مع الوله هريدى

عمله ذى التيتانوس

تشفى من جميع الامراض

ومالهاش اى اعراض

لا قبل ولا بعد

وصدقنى فى كلمتين

ان شربتها هتكون متين

وعقلك هيبقى زين

وهتشوف بعنيك لاتنين

ويمكن تسمع من غير ودنين

............

وكوباية الشاى الصعيدى

هى الحل الامثل للغباء

هى الراحه بعد العناء

هى الشفا هى الدواء

...........

كوباية الشاى الصعيدى

اللى هيشربها .. هيكون ملاك

وفى مأمن من الهلاك

فاياك ان تهجرها اياك

وعليك بها صباحا ومساء

[كرم زعرور]

.. شرط تكونْ في الخمسينة ، يا أستاذ هشام !

وخمس ملاعق سكر.

تحيّاتي ، وعمار يا مصر .

[الهام بدوي]

يبدو أن هذه الكباية شرب منها عدد كبير من زعماء العرب ..... أهو دا اللي خدوه من اهل الصعيد الطيبين الرجالة كباية شاي !!! بس برضو عاملين رجالا شوف اليمن ويا سوريا وقبليها ليبيا مع مبارك شاربين شاي قوييييييييييييييييييي يعني طلع في النهاية الصعايدة هم السبب ,,, وأه من الشاي الصعيدي يا هريدي ...

[هشام النعال]

اهلا يا استاذ كرم سررت بمرورك الكريم
واكيد كوبة الشاى فى الخمسينة
وفى الغيط كمان علشان يبقى ليها طعم
دمت بحفظ الرحمن

[هشام النعال]

مرحبا سيدتى الهام
يشرفنى مرورك الكريم على كلماتى المتواضعة
وياريت الحكام العرب ياخذو عبرة من اللى بيحصل