مش عارف زعلان منّك ..
ولاّ .... زعلان عليكِ
تعبتيني . وانا تعبتك .
والحمل كله برميه عليكِ
...
أنا لسّه ..هابكي منك
دا أنا ياما .. بكيت عليكِِِِِِِ
شوارعك بقت دخان ثوار
و طرف تالت .. أتآمر عليكِ
بيحرق فيك .. ويدمّر ..
أكيد مش محسوب عليكِ
ده واحد خايف من حسابك .
نهبك .. ولسّه بيجني عليكِ
والولد تايه .. يائس غضبان .
وكرهه كله . بيصُّبه عليكِ
بياخد ثأره بايده . بعدما ...
شاف المجرم بيضحك عليكِ
وبقيت مش عارف أزعلّ
منّك .. ولاّ أزعلّ . عليكِ
أنا يا صابره . طول عمري منّك
وعمرى ف يوم .. كنت عليكِ
المفضلات