كرسي الرئاسة أنكسر
كرسي الرئاسه انكسر
محتاج عمليه
اخترنا النهارده رئيس
من غير صلاحيه
قبل ما يجي سيادته
سحبوا المسئوليه
من غير صلاحيات
ولا حتي عربيه
ولا قانون يحميه
من اي سلبيه
طبخها ولاد الايه
باميه وملوخيه
اشرب يا عم الرئيس
واكلنا طعميه
شياطين في شكل بشر
وشوية حراميه
بيعرفوا يخططوا
ويعرفوا الجايه
هيحرقوا الاخوان
في دقيقه وثانيه
وتخرج تقول الناس
اخوانا اغبيه
لازم تسيب الحكم
وتبقي اغنيه
مش فارقه تكون سوده
او حتي مرثيه
اصحي يا ابا الحاج
وفوئي يا عنيه
دول ولاد ابليس
وامهم جنيه
عارفين بيعملوا ايه
وازاي وامتي وفين
وبدون عصبيه
ومعاهم شاشات بترش
السم في الميه
اعلام كلاب وذئاب
واشاعات مرويه
عسل كله مر
وكنافه محشيه
بالهم ويا النكد
وشعبنا ضحيه
سرقوا بلادنا سنين
وضيعوا بهيه
مش هيسبوها كده
لازم يكون الثمن
الجثث مرميه
وثوره جديده تقوم
ومحاكمه ثوريه
لكل كلاب العسكر
وكل الزبانيه
قومي اعمليلي شاي
وهاتي الجلابيه
راسي بتوجعني
يا احلي مصريه
واندهيلي علي شلبي
واخته شلبيه
يام العيون السود
يا حبيبه منسيه
الظلم مهما يطول
نهايته دراميه
الشعب هوه البطل
علي اقذر مسرحيه
عملها مجلسنا الخبيث
بغباوته العسكريه
وبكره هتعبر مصر
بشباب ثوريه
ولو الاشاره حمرا
عزيمتنا مروريه
samir
رد مع اقتباس
المفضلات