آخـــر الـــمـــشـــاركــــات

+ الرد على الموضوع
النتائج 1 إلى 4 من 4

الموضوع: رباعيات للثورة والثورة المضادة

  1. #1
    شاعر الصورة الرمزية سمير الأمير
    تاريخ التسجيل
    26/09/2006
    العمر
    58
    المشاركات
    221
    معدل تقييم المستوى
    14

    افتراضي رباعيات للثورة والثورة المضادة

    رباعيات للثورة والثورة المضادة
    شعر\ سمير الأمير
    1
    حكموك بداء الكره والتكفير
    ضحكوا فى وش العدو و سابولك التكشير
    باسم الإله العادل ظلموك بلا رحمة
    ولخبطوك ف الزحمة وحرموا التفكير
    ***
    2
    هُما وقطر لايقين على الحالة
    و إسرائيل أمهم ومرضعاهم زبالة
    و متغاظين من مصر والحقد ماليهم
    علشان ماهيش ليهم.. وفيها رجالة.
    ****
    3
    الجهل قال اللى غالب يكتب الدستور
    بيكرعونا الحجارة وبيحلبولنا الطور
    مادام بتمشى كده بالكدب والتجرمه
    تسع سنين دى ( مر ه ؟) وتركب الحنطور!!
    ****
    4
    الشعر دار ع الشُعرا شاعر شاعر
    لقى اللى فيهم أصيل واللى عويل داعر
    سألته: طب ياشعر نسمع مين؟
    فرد قال: الاتنين.. حتى الصلاه بتجوز للبر والفاجر!
    .
    ****

    5
    كان احتفال النصر مولد مالوش اصحاب
    فيه الجيران والقرايب وشلة الأحباب
    حتى اللى قتلوا السادات اتصدروا الصورة
    كان ماتش كورة .. بس الحكم كداب
    *****
    6
    حتى اللى شكله قبيح قالوا عليه صِديق
    يوسف كمان يا غجر ما فلتش م التلفيق؟
    يا كدابين أغبيا إياك تمسوا الرسول
    وخلاصة القول ياجهله.. مسيركم التعليق.
    ****
    7
    عيل صُّغير بدقن ولسانه سم حِناش
    بيفتى ع اللى جه وع اللى لسه مجاش
    طب تفهم ايه إنت يا فَسل ف الإسلام؟
    قصر الكلام الدين بيشوهوه أوباش.
    *****
    8
    إيه دَخّل الإسلام فى آل ثانى وآل سعود
    ودول قبايل وبينهم تار ونار وحدود
    عُملا لأمريكا ...مكرعاهم جاز
    فهمت يا أستاذ والا الدماغ محدود؟
    ******
    9
    بيقول باصلى الفجر ..طب نعمل إيه إحنا؟
    ربك عليه الحساب عالم بأرواحنا
    مين اللى قال لجناب معاليك
    إن الصلاة تديك الحق تدبحنا؟
    10
    آه يانى من شعبها ومن هبالاته
    كأنه عيل بيلعب فى خيالاته
    وبينخدع بمزاجه مش مغصوب
    ومن العبط بيدوب فى حسن نياته
    ****
    11
    حسب قانون العرض زى الطول
    الشعب والثوار غجر و فلول
    أما اللى باعوا الثورة واتمسكنوا
    بالكدب اتمكنوا ، وبقى الهبل معقول
    *****
    12
    متلخبطة أمورك على بعض بلا تمييز
    الحب فوق الكره والتفاح على الجميز
    عضيت قفا الكل أصحاب على أعداء
    عيان،، و أصل الداء,, إنك ما لكش عزيز
    ****
    13
    من قبل "يوليو" رباية استبداد
    جزم فى رجل فاروق وقبل منه فؤاد
    خانوا آمال الطلبة والعمال
    من أجل راس المال وقفم مع الجلاد
    ****
    14
    أول تبرع كان من الكوبانيه
    يعنى الحكاية لا دين ولا وطنية
    منذ البداية متكرعين تمويل
    وتفرق إيه إسرائيل عن السعودية؟
    ****

    15
    آه م الهباله وآه من تقل خيبتكو
    مافيش مصيبه اكبر من مصيبتكو
    سلمتم الثورة للى نيته نيله
    ماتت قتيله بحسن نيتكو
    *****
    16
    إزاى حمى الثورة وشرد الثوار؟
    بالضبه والمفتاح سلمها للتجار
    هوه اللى عاقل بيقول كلام مجنون؟
    دول نشنوا ع العيون من غير خجل ولا عار.
    *****
    17
    الشعر مش إلحق وحلق حوش
    ماجلاكش على مهله ما تكتبهوش
    ربك بنى الدنيا ف ست ايام
    لو ما استواش الكلام ,, الناس ما تسمعهوش

    ****
    18
    اتحالف العسكر مع التجار
    قفلوا بيبان الثورة ع الثوار
    دبحوا الأمل ف الوطن جابوا عاليه فى واطيه
    واتحكموا المعاتيه وعصابة الأشرار.
    ***


    19
    قالوا عليه ده حكيم يشبه تمام لقمان
    كلام كما المأمأة طالع من الخرفان
    مابيفرقوش الحق م الباطل
    ومخ عاطل.. يسمع طنين النحل فى زنة الدبان!
    ****

    20

    ليه سيبتها يا ثورجى للجيش؟
    سلمتها لابوجهل والدرويش
    وهى كانت ثورة مدنيه
    من أجل حريه وكرامه وعيش!
    ***

    21
    من غزوة الصندوق لغزوة الدستور
    مقسومه مصر اتنين والمطحنه بتدور
    ولا حد سامع عقل ولا حد سامع دين
    وكأننا شعبين مضروب ما بينهم سور
    ****
    22
    الحُرمه عروها أمام الناس
    مخاليق غريبه لا حس ولا إحساس
    راكعين أمام العدو وع البنات شاطرين
    وباسم أشرف دين اتنطعوا الأنجاس.

    ******
    23

    بتقول "نظام سابق" يا عم هاتلى دليل
    لسه الوطن مسروق والشعب لسه عليل
    ولسه سوق النهب مفتوح على الواسع
    والفرق شاسع بين النهار والليل.

    ****

    24
    وجعنى قلبى قوى " مش على الشهداء"
    ف الجنه هُما عند ربهم أحياء
    وجعنى قلبى على أهالي المقتولين
    لحظة خروج المجرمين أبرياء.


  2. #2
    مـشـرفة منتدى التطوير الذاتي والإنماء المهني الصورة الرمزية سميرة رعبوب
    تاريخ التسجيل
    13/05/2011
    المشاركات
    7,487
    معدل تقييم المستوى
    16

    افتراضي رد: رباعيات للثورة والثورة المضادة

    بتقول "نظام سابق" يا عم هاتلى دليل
    لسه الوطن مسروق والشعب لسه عليل
    ولسه سوق النهب مفتوح على الواسع
    والفرق شاسع بين النهار والليل.



    لابد من فجر مشرق بعد ليل مدلهم
    وبعد كدر الجو يأتي الصحو ..

    ويظل الاسلام منارا نوره يذيب زيف الأقنعة ..

    لافتة ~
    ( وتفرق إيه إسرائيل عن السعودية؟ )
    أي دولة تملك أرضها سفارة لإسرائيل وإعتراف بهم أو مواطئة لهم بقفل المعابر أو إذلال لشعب الفلسطيني الحر أو خذلانهم هل تفرق شيئا عن اسرائيل ؟!!!!!!!!!!!!!!!!!!
    مجرد رأي
    شاعرنا الرائع قد حجرت واسعا !!!!!
    ولم تنصف الحقيقة الواضحة للعيان ، ففلسطين خذلت من الأقرب فالأقرب فالأقرب !!!!
    وليس عجيبا أن نجد من خذلها يوما مخذول ذات يوم !!!
    فهذا هدف من يريد أن يمزق الممزق ويشتت المشتت ليسهل توزيع الغنائم والحصص
    فلا خلاص إلا بوحدة عربية اسلامية تزول معها النعرات الجاهلية وحظوظ النفس
    أرجو أن لا يكون رأي موضوع إزعاج لأحد ما تحياتي ~

    رَبِّ ارْحَمْهُمَا كَمَا رَبَّيَانِي صَغِيرًا

  3. #3
    مـشـرفة منتدى التطوير الذاتي والإنماء المهني الصورة الرمزية سميرة رعبوب
    تاريخ التسجيل
    13/05/2011
    المشاركات
    7,487
    معدل تقييم المستوى
    16

    افتراضي رد: رباعيات للثورة والثورة المضادة

    اقتباس المشاركة الأصلية كتبت بواسطة عيسى الجندي مشاهدة المشاركة
    تحياتي للأديبة الفاضلة سميرة رعبوب

    قسماً بالله أنك بألف رجل

    حُرة بنت أحرار

    وحسبي الله في كل من يثير النعرات ويسب اهلنا في السعودية والخليج وتشبيههم باليهود
    أي فكر تكفيري يتبنون؟!!!
    أستاذي عيسى الجندي
    كلنا أحرار وخلقنا أحراراً
    فالشاعر الرائع أستاذي سمير
    لا يسب أهلنا في السعودية ولا الخليج ولا يثير نعرات
    الذي فهمته من شعره أنه ناقم على حكومات عميلة متخاذلة
    وكأنه يشير ألا فرق بين القاتل ومن يخذل المقتول ولا ينصره ..
    وكيف أن الشعوب مازالت تعاني أزماتها وربما بشكل أكبر بعد تلك الثورات التي قامت من أجل الكرامة والحرية
    ولكنها وقعت في مطب سارقي الثورات !
    هكذا فهمت وأعتذر بشدة لشاعر سمير إن حلقت القراءة بعيدا عن أجواء ما أبدع
    تحياتي ~

    رَبِّ ارْحَمْهُمَا كَمَا رَبَّيَانِي صَغِيرًا

  4. #4
    شاعر الصورة الرمزية سمير الأمير
    تاريخ التسجيل
    26/09/2006
    العمر
    58
    المشاركات
    221
    معدل تقييم المستوى
    14

    افتراضي رد: رباعيات للثورة والثورة المضادة

    لو انهم قدموا مشروعا اسلاميا لصرنا رهن بنانهم ولكنهم قدموا الانقسام والتكفير ولعلكم رأيتم كيف دعى عبد المقصود على ملايين المصريين بالهلاك وكيف اتهمهم بالكفر
    فسه فتنكر لها وصار مجرد سكرتير لمكتب الارشاد فى الرئاسه والله العظيم نحن نحن الى الاسلام والى عدل الاسلام ولكن هؤلاء كذابون ولا علاقة لهم بالرحمة المهداة للعالمين من مسلمين وغير مسلمين- ومحبتى لكم وهذا ما عاينته بالتعامل معهم كعضو فى اللجان التنسيقية التى شاركتهم فيها قبل 25 يناير
    لم اسب اهلى فى الجزيرة العربية لأن جدودى منها ولكنى اتحدث عن عائلات تحتكر لنفسه الوطن حتى تسمى الأوطان بأسماء العائلات ولو سمى عبد الناصر جمهوريتنا بالجمهورية الناصرية لانتابنى نفس الشعور


+ الرد على الموضوع

الأعضاء الذين شاهدوا هذا الموضوع : 2

You do not have permission to view the list of names.

لا يوجد أعضاء لوضعهم في القائمة في هذا الوقت.

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •