::ماسنجرات::

..تم تسجيل دخول برنس الليالي ميزو..
-هااااي ازيك يا ميزو ؟؟؟؟؟
=هااااي ميمي ازيك
-أنا كووووول وانت؟؟؟؟؟
=لا انا مش كوووووول خالص
-ليه كده ؟؟؟؟؟
=اصلي ظبطت البت زيزي اختي بتكلم واد كان صاحبي اوي سمسم ما انتي عارفاه! بوظت المووود بتاعي كومبليييتلي
-يااااه اخص عليها بجد ازاي تعمل تصرف بيئة بالشكل ده !!!!!!
=ما كنتش اتصور ان واحد من اعز اصحابي يكون بيكلم اختي من ورايا بس أنا هوريه وهفضحه في النادي قدام كل الشلة
-حقك بصراحة عشان ما تديش فرصة لحد يقول عليك انك عيل سيس.............. بقول لك ايه يا ميزو أنا لازم اهرب ناو عشان اخويا (تاتي) جه
=بجد ؟ طب اوعي تقولي له ان احنا بنتكلم مع بعض
-لا طبعا هو انا ستيوبيد ده كان يدبحني !!!!!!
-لوووووووول
=يلا بااااااي
-باااااااي
.. تم تسجيل خروج ميمي الأمورة جدااااا ..
.. تم تسجيل دخول تاتي الوحش ..
-هااااي تاتي
=هااااي ميزو اسكت مش كنت بكلم اخت سمسم من شوية!!
***