عِيش حمار
هنى بالك
لاغى حالك
وطى راسك
وإنت ماشى
إوعى صوتك
يعلى..حاشى
إنسى عقلك
إنسى قلبك
كُل وأسكت
إوعى تركض
إوعى ترفُس
لو رفست
جحش تانى
يجرى ..واشى
تلقى حالك
وسط عيبه
والطوارىء
يعنى خيبه
تتحرم تمشى فى حالك
تتحرم منك عيالك
وإن وقعت؟
تبقى وكسة
تبقى ضربة
فيها نكسة
عيش حمار
لا تقول
مرتب ولا أسعار
بلاها فهم
بلاها حِس
بس شى..بس هِس
عيش حمار
لا تقول عيال
لا تقول سؤال
لا تقول ضرورى أو محال
وطى راسك
وإمشى دوغرى
لما توطى؟
فيه خلاصك
م اللى تابعك
واللى راصدك
واللى سامعك وسط ناسك
عيش حمار
ريح وعاتيه
دايسه..دايسه
دايسه ..ماضيه
وطى راسك ياحمار
عايز إيه؟
كل يوم..آكل وشارب
كفايه ولا مش كفايه؟
رد.......جاوب
آه..نسيت إنك حمار
طب نتفق
إرفس أنتَ
دوغرى حأفهم الأجابه
رفسه واحده:
أكيد كفايه
رفستين:
يعنى النهايه
إيه؟
فى إيه؟!
كل ده بترفسنى ليه؟!!
آه فهمت
والله دأنت مش حمار
دأنا الحمار
______________
أم رانيا
المفضلات