ولاد لحرام

فين ادراس والقيبور وقماحو
فين النحل وزرايبو وجباحو
من كثرة دنوبنا قلوبنا قصاحو
سمانا غضبانا ونجومها طاحو
والمسلم كطير رخاصو رواحو
غير يفدفد شوية يقزبو جناحو
بني صهيون بناتنا هناوو وارتا حو
ولاد لحرام رجعو علينا وقباحو
في زمان فرعون يتسارى بسلاحو
فرض قوتو وطلق علينا براحو
يا بويا اولادنا في لبحر تلاحو
يابويا ماتهم شحال بكاو وناحو
يا بويا لحرار على وجه الارض ساحو
يابويا سراو بالليل وماتلاو راحو
يا بويا الجرو كبر وكثر نباحو
يا بويا الله يستر خاوفونا بشباحو