بيفى هيروغليفى !!
بيفى هيروغليفى
__________
امون مطحون على خفرع
ومنقرع مديون فى حزمة البردى
ع الضهر حمل تقييييل
حط الحبين فى الأرض
النهر شق الخد .. توت عنخ بيعيط
العين متكحله بالزيف
جوه الودان تخاريف
بين الحواجب خوفو حاجب الصوره
الأنف مكسوره
طرح اللسان صبار على شفه متشققه
نايمه السواقى ف العسل
النبض واقف ع الهاويس
واحد يغيث رمسيس
رهنوا مسلاته ومن الميدان طردوه
***************
حورس مع الكورس بيغنى للعازفات
فينك يا موحد القطرين ؟؟
سايب نفرتارى تلعب ( اتارى )
ع المينا مينا مستنى المعونه
***************
ايزيس مع اوزيريس
الابره جنب الخيط
لا لحد يتأجر ولا توابيت
كل المقابر كومبليت
**************
أحمس ادمن كليوباترا
وحتشبسوت محتاجه للقطره
ف علبه البيفى عالم هيروغليفى
بيذيعوا من حنطور
تايه رغيف حتحور
وحور على الحافه
يامنف ف الكفه
الوزن قل كتييييييييييير
سبع تلالالالالالاف كيلو
ولسه بتفرعن
_________________
كلمات محمد فتحى السيد
(اكشن)
رد مع اقتباس
المفضلات