كان زمان العدو معروف
بجيشه يهاجم وبالسيوف
دلوقتى ما بنعرف عدانا
يمكن خوف يمكن كسوف






يعنى أيه كلمه بشر
هتفرق أيه عن البقر
مدام الحب فينا مات
والأنسان جوانا أنتحر






يازمن مين غير ألوانك
مين يازمن قدر وهانك
الأيام والمكتوب و القدر
ولا جيت فى غير أوانك







كل مافيكى يادنيا الكلام
كلام يحمى يبقى خصام
ممكن أغمض شويا عنيا
يمكن تحلوى فى المنام



ممكن لمده ساعه
أكون مش أنا
ممكن أكون نهر
ولابحر
ولا نسمه هوا



ممكن أجرب
مجرد أجرب
أكون صقر
ولا نسر
أو حتى عصفور
فى السما






ممكن أضيع المرايا
وأنسى أصول الحكايه
وأقول لنفسى
يادوب مولود
من كام سنه





ممكن أكون رحاله
فى عيون الصبايا
بكف محنى
بحنه أفراح وهنا





أنا النهارده مش أنا


ولو سأل الصحاب عليا
الحزن الكأبه ولا الملل
قولوا
المذكور مش هنا