|
|
|
|
(مُفتتح )
إنطق يا حق بحقيق
يكفاك سكوت خيبان
دا اللى انكتب كان برىء
حبسه بعبط سجان
ارسم وضوحك طريق
غمض عليه وامشى
راح تلقى نفسك بنفسك
ويحوطك رمشى
آهين يا دمع الغريب
مين راح يحسك مين
لما القريب غرّبك
فاتك وقال.. إمشى
وسا فر يا قمحاوى
سافر يا قمحاوى
مهو مش بيدك بقى
ولا أنت لُه غاوى
لكن قدر مكتوب
يبقى الدفا ف ارضك
والضى ملو الشوف
والبرد بيعُضك
وعينك ملاها الخوف
يا منتهى صبرك
يا ولد قمحاوى
ضرع الحليب مسلوب
أدمنت طعم الشقا
ولبست ايها توب
حليتلك الشرنقه
ورضيت تبات ..
مغـــــــــلوب
خلاص ..
فسافر بقى
واطوى دموع عينك
شجر القساوه طرح
ف ترابك المحبوب |
|
|
|
|
المفضلات