أفاس الفنون
ضمت الدنيا اسوارك
يوم ضميتي باحضانك فاس الَبالِي
بسحرك مفتون
وفكنوزك واسرارك
وأنت غالية من كل ما هو غالي
أفاس المتون
بالشريعة اضحات انــــــوارك
عنايتي وراحــــــتي ودخيرتي ومالي
أفاس الشجون
ناسك همَّ عمارة دارك
جباهـــم عالية فاقت كل العــــلا لـي
أفاس الملحون
ساقت الدنيا اخبارك
عــروسة محروسة بالجاه الــعـــالي
حــــبيت فضاك ومكانك
هَوَا يصفى بيه المزاج
حــبيت بناك وعمرانك
وخـطيف ساكن لبراج
حبيت عيونك وغدرانك
حلا وتها تحـلي اللجاج
تاريخك علمك وايمانك
لسقام لرواح هيا العلاج
أفاس أفاس بهجة العيان
صورة ساكنة فقلبي وعياني
أفاس أفاس عشق الفنان
وانت لاهــبة فـني وأ وزانــي
أفاس تجاوروا فيك الاديان
مسلم موحد وعبري ونصراني
من الايمان حب الاوطــان
وانا ا خـترتـك تكون اوطــانــي
افاس افاس يحرسك الديان
من شر كـل حاقـد ظـالـم جـانـي
المفضلات